ILOILO – Natalana nga magpatigayon sang hearing ang Committee on Disaster Risk Reduction and Management sa Sangguniang Panlalawigan may kaangtanan sa resolusyon nga nagaduso sa pagdeklarar sang State of Calamity sa probinsya sang Iloilo.
Sa interview sang Bombo Radyo kay 1st district Board Member Marcelo Valentin Serag, iya ginpahayag nga katuyuan sang hearing nga maklaruhan ang pila ka mga isyu may kaangtanan sa pagdeklarar sang State of Calamity ilabi na ang nanuhay-tuhay nga mga panindugan tuhoy sa isyu sang ‘mitigating measures’.
Suno kay Serag, mas maayo nga mangin klaro sa tanan ilabi na nga wala nagasantuanay ang panindugan kag paghangop sang pila ka mga opisyal tuhoy sa nasambit nga topiko.
Matandaan nga ginbaton ni Serag ang pagtugyan sang resolusyon sa iya komitiba ni 3rd District Board Member Emmanuel Gallar.
Samtang, una na nanindugan si Governor Arthur Defensor Sr. nga ang ‘mitigating measures’ ang mahimo lamang ipatuman samtang na-eksperyensyahan ukon natapos na ang kalamidad nga ginkompormihan naman ni Dr. Jerry Bionat, pinuno sang Provincial Disaster Risk Reduction and Management Office (PDRRMO).
Baliskad naman diri ang panindugan ni Serag.
Yari pamatian ang nauna nga pahayag ni Governor Arthur Defensor Sr.:
Yari naman ang pahayag ni Dr. Jerry Bionat:
Samtang, yari naman ang pahayag ni Board Member Marcelo Valentin Serag:
