Duha ka resolusyon ang ipasar sa Sangguniang Panlalawigan agud mabuligan nga makabangon ang cockfight operations sa probinsya sang Iloilo.
Sa interview sang Bombo Radyo kay Philippine Councilors League President kag Ex-Officio Board Member Ramon Sullano, chairman sang Committee on Games and Amusement, iya ginpahayag nga ipasar sang iya komitiba ang Resolution of No Objection sa ginaduso nga ‘delayed digital broadcasting’ sang bulang.
Ang isa pa ka resolusyon amo ang pagpahanugot sa pagdugang sang tubtub 30 porsyento sang total capacity ang mahimo makasulod sa cockpit arena ukon sa mismo bulangan.
Ini sang santo sa hingyo sang mga manugbulang sa probinsya agud nga indi man mapatay ang ila nga industriya.
Wala sang specific time nga ginhatag kun ano kadugay ang ginapahayag nga delayed broadcasting apang ang mayor nga tuyo sini amo nga indi malapas ang mandu sang Inter-Agency Task Force nga ‘wala sang in-venue audience, live broadcasting ukon telecasting, kag online ukon remote betting’.
Kahapon, Pebrero 10, sang nagsapol ang mga mga asosasyon sang manugbulang sa Iloilo sa Committee on Games and Amusement agud ipahayag ang ila nga concern may kaangtanan sa bulang.
