Nagsabat ang Committee on Good Government, Public Accountability and Appropriations kaangot sa request sang Iloilo City Council nga dugang nga mga posisyon.
Sa interview sang Bombo Radyo kay Iloilo City Councilor Rex Sarabia, head sang nasambit nga komitiba, iya ginpahayag nga nakaagi na sa committee hearing kag ginrepresentar sa local finance kag human resource ang amo nga request kag na-deliberate.
Suno kay Sarabia, apisar sang deliberation nga natabo, limited ang budget rason man nga na-delay ang paghimo sang mga dugang nga posisyon sa Iloilo City Council.
Ginpahayag man sini nga antes mahatag ang gina-request nga posisyon, may yara sang mga mandatory nga posisyon una nga ginahimo.
Gin-athag man sang natungdan nga santo sa local government code, may mga criteria nga ginabasehan, kon sa diin, lakip kon ini ang priority ukon essential.
Gintumod man ni Sarabia nga indi lang City Council ang naga-request sang mga posisyon bangud may mga departamento man nga nag-request nga nakapila sa listahan.
