Ginkasubo sang Committee on Social Services sang Iloilo City Council ang ginapahayag pagpang-abuso kag pagpanakit sa pila ka mga menor-de-edad sa Balay Dalayunan sa Barrio Obrero, Lapuz, Iloilo City.
Sa interview sang Bombo Radyo kay Iloilo City Councilor Alan Zaldivar, iya ginpahayag nga ginakasubo niya nga mabatian ang amo nga hitabo bangud nga ang purpose kontani sang nasambit nga talatapan amo ang bantayan kag ipabilin nga hilway sa kasablagan ang mga Child in conflict with the law ukon “CICL”.
Suno kay Zaldivar, sa talatapan man kontani iga-develop ang values kag character sang isa ka bata bangud sa ila anay nangin partisipasyon sa mga indi manami nga akto.
Indi naman manegar sang natungdan nga may mga kabataan gid sa shelter facility ang indi gilayon mahusay ang pamatasan rason nga nagakatabo ang mga kaangay nga sirkumstansya.
Nagaplano naman ang talatapan nga dugangan ang numero sang mga personnel sa Dalayunan agud nga mapasiguro nga safe kag bantay-sirado ang mga kabataan.
Una na nga nagpasalig ang city government nga magadugang sang closed circuit television (CCTV), security guards, kag psychological expert sa amo nga shelter facility.
