ILOILO CITY– Nagpatigayon sang hearing ang Committee on Tourism and Heritage sang Iloilo City Council may kaangtanan sa regulation ordinance nga maga-regulate sa mga plaza kag open places sa syudad sang Iloilo.
Sa interview sang Bombo Radyo kay Iloilo City Councilor Jay Treñas, vice chairman sang nasambit nga komitiba, iya ginpahayag nga ang nasambit nga ordinansa ang maga-regulate kun tani sang paggamit sang mga plasa sa palibot sang syudad.
Suno kay Treñas, ang mga posible guidelines sang nasambit nga ordinansa ang ginalakipan sang pagdumili sang pagparking, pagdumili sa pag-inom sang makahulubog nga ilimnon sa sulod ukon palibot kag paghatag sang limit sang oras nga mahimo makatambay sa plaza.
Ginpahayag ni Treñas nga positibo ang nangin sabat sang mga resource person nga nagtambong sa committee hearing nga ginbug-usan sang private sector, City Engineers Office, City Environment and Natural Resources Office kag iban pa.
May mga plaza guard naman suno sa natungdan nga magabantay sa mga nagalapas sa ordinansa sa tion nga ma-aprubahan ini kag mapatuman.
