Nagpanawagan si Iloilo City Councilor Sedfrey Cabaluna sa mga colorum nga tricycle drivers nga magkuha sang prangkisa.
Sa interview sang Bombo Radyo kay Councilor Cabaluna, chairman sang Committee on Transportation, iya ginpahayag nga kontani seryosohon sang mga drivers ang ila nga hingyo bangud wala man sang bayad kon mag-apply kag libre lamang.
Suno pa kay Cabaluna, kon pilion sa gihapon sang mga tricyle drivers nga mangin colorum, wala na sang may mahimo ang city government kundi dakpon sila.
Ginpahayag man sini nga ang tikang ang indi magbalabag sa ila mga ruta kun ‘di magahatag sang hurisdiksyon sa kon diin nga area sila makabyahe.
Gin-athag man sang natungdan nga ang prangkisa ang magaprotekta indi lamang sa driver sang tricycle kun ‘di pati man sa mga pasahero.
