Gin-athag sang Committee on Transportation sang Iloilo City Council nga wala pa nakapakig-angot sa ila ang Department of Public Works and Highways (DPWH) Region 6 kaangot sa ila traffic scheme kag plano sa Ungka Flyover.
Sa interview sang Bombo Radyo kay City Councilor Sedfrey Cabaluna, head sang Committee on Transportation, iya ginpahayag nga mismo siya ang naka-esksperyensya sang huol sa trapiko sang nag-agi ini sa flyover.
Suno kay Cabaluna, liwat nga lab-uton sang ila talatapan ang DPWH kag ang ICTMU agud nga makabulig sa sitwasyon sang flyover subong.
Nagapati man ang natungdan nga yara sa hurisdiksyon sang DPWH ang pagpasigurado nga safe kag tayuyon ang serbisyo nga mahatag sang Ungka Flyover sa mga motorista.
