Ginpatpat sang isa ka public health expert ang pinaka-common nga problema sa mata nga nagaapekto sa bilyon-bilyon ka tawo sa bug-os nga kalibutan.
Sa interview sang Bombo Radyo kay Dr. Irene Mirasol Peliño, Optometrist, iya ginpahayag nga tatlo sa mga pinaka-common amo ang Astigmatism, Hyperopia, kag Myopia. Ini nga mga kondisyon ginatawag nga refractive errors, kun sa diin indi insakto ang pagtutok sang kasanag sa retina sang mata, nga nagaresulta sang blurred ukon distorted vision.
Suno kay Peliño, ang tatlo ka mga balatian sa mata amo ang ginatawag nga Myopia ukon nearsightedness, amo ang kondisyon nga indi klaro ang mga bagay nga malayo, samtang sinew naman kon malapit sa panulukan.
Nagakatabo ini kun ang eyeball ang sobra ang kalabaon ukon sobra ang kurba sang cornea, gani ang kasanag naga-focus sa atubang sang retina.
Ginarekomendar sang mga eksperto nga magpa-eye check-up kada isa ukon duha ka tuig, labi na sa mga kabataan, tigulang, ukon may simtoma sang kabudlayan sa panulukan.
Santo sa World Health Organization (WHO), masobra 30% sang populasyon sang kalibutan ang apektado sang myopia. Nagataas pagid ini nga numero, labi na sa mga kabataan tungod sang sobra nga gamit sang gadgets.
