ILOILO – Magalunsyar si Iloilo 3rd District Board Member Jason Gonzales kaupod ang Global Shapers Iloilo, Regional Education Council, kag Synergeia Foundation sang community-based mental health kag psychosocial support training.
Sa interview sang Bombo Radyo kay Board Member Gonzales, iya ginpahayag nga mas madamo ang mga napatay bangud sa pagsuicide ipanggid sa numero sang mga napatay sa COVID-19 sa probinsya sang Iloilo.
Base sa data sang Iloilo Police Provincial Office, may yara sang 63 ka kaso sang suicide sa probinsya humalin sang Enero 1 tubtob Setyembre 15 subong nga tuig.
Katuyuan sang sini nga programa amo nga i-train ang mga local peer counsellors agud nga ma address ang problema sa komunidad.
Ang Lambunao kag Badiangan ang napilian bilang pilot municipalities kag maga-umpisa ang virtual training workshop subong nga adlaw, Nobyembre 20.
