𝗜𝗟𝗢𝗜𝗟𝗢 𝗖𝗜𝗧𝗬 —Nagdangat lamang sa 30% ang compliance sang mga barangay sa Iloilo City ang nagasunod sa regulasyon sang ila Material Recovery Facility (MRF) nga nakahamtang sa ila tagsa ka lugar.
Sa interview sang Bombo Radyo kay Engineer Niel Ravena, pinuno sang General Services Office (GSO), iya ginpahayag nga sa 180 ka mga barangay sa syudad, na-obserbahan sang talatapan kag City Environment and Natural Resources Office (CENRO) nga indi maagwantahan ang nagadapon nga mga basura kon sa diin, indi ma-segregate sang maayo.
Suno kay Ravena, kalabanan sa mga basura nga indi ma-segregate ang ginasulod lamang sa sako agud nga i-segregate agud indi man maguba ang ila nga garbage truck.
Ginpahayag man sini nga yara na sa 28 ka mga barangay sa syudad ang ila nalibot kag na-edukar nahanungod sa Material Recovery Facility agud nga magamit sang mayo sang mga pumuluyo.
Gin-athag na sang natungdan nga residual waste lang ang ila nga ginakolekta samtang ang compostable waste ang magapabilin sa Material Recovery Facility sang barangay kag ipaidalum sa composting.
