ILOILO CITY – Masobra na sa isa ka libo ang nadakpan sang compliance team sang Iloilo City Government nga nagalapas sa ginapatuman nga minimum health protocol.
Sa interview sang Bombo Radyo kay Jose Fernando “Boyet” Rico, Executive Assistant for Barangay Affairs, iya ginpahayag nga daku ang mabulig sang barangay officials sa pagpangsaway sa mga violator.
Suno kay Rico, indi mahinago nga may yara sa gihapon sang mga dungol nga wala nagasunod sa mandatory nga pagsuksok sang face mask, face shield kag 1 meter nga physical distancing sa tion nga magpadulong sa mga pampubliko nga lugar.
Ginpahayag ni Rico nga sang Hulyo sang nag-umpisa ang pagpatuman sang minimum health protocol apang sang Agosto na sang nag-umpisa sa pagpanghatag sang ticket para violators.
Kun tani suno kay Rico, mangin individual responsibility ang pagsunod sa minimum health protocol kag indi na kinahanglan nga sawayon sang compliance team.
