MIAGAO, ILOILO- Magahimo sang compromise agreement ang Local Government unit kag Tricycle Owners and Drivers Association sa banwa sang Miagao, may kaangtanan sa memorandum sang Department of the Interior and Local Government, nga nagabawal sa mga tricycles, kag pedicabs, nga makabyahe sa mga national roads.
Sa interview sang Bombo Radyo kay Miagao Mayor Macario Napulan, iya ginpahayag nga nangin produktibo ang ila paghinun-anon sang mga tricycle drivers, sa nasambit nga banwa.
Suno kay Napulan, halos 60 tubtob 70% sang populasyon sa nasambit nga banwa ang nagagamit sang tricycle.
Pahayag pa ni Napulan, sa mga bahin sang banwa nga may yara sang 4 lanes, sa kilid nga bahin sang dalan magalabay ang mga tricycles, kag matapos ang isa ka bulan, ipatuman kun ano man ang ila nahisugtan.
Dugang pa ni Napulan, ginduso man nila ang pagkurit sa dalan para sa tricycle lane, apang ipaagi pa ini sa sangguniang bayan agud mahimuan sang nakaigo nga layi.
Magadugang man sila suno sa natungdan sang mga traffic aids kag pagagamitun ang mga barangay tanod, agud mapatuman ang mando sang Department of the Interior and Local Government.
Nagpanugyan man ang natungdan sa mga pumuluyo sang banwa sang Miagao partikular na sa mga commuters kag drivers nga may yara sang pagbag-o sa byahe sang mga tricycles kag ini ang pagasundon santo man sa mando sang Department of the Interior and Local Government.
