CONCEPCION, ILOILO – 20 ka adlaw na nga wala sang may na rekord nga COVID-19 positive ang banwa sang Concepcion, Iloilo kun local transmission ang pagahambalan.
Sa interview sang Bombo Radyo kay Concepcion Mayor Raul Banias, iya ginpahayag nga apisar wala sang local transmission, may yara naman sang isa ka returning overseas filipino nga naghalin sa Australia ang nagpositibo sa COVID-19.
Suno kay Banias, ginkuha na sang local government unit sang Concepcion ang amo nga COVID-19 positive halin sa Iloilo Sports Complex nga nagaserbe quarantine facility.
Dugang pa sang alkalde, wala sang direct contact ang amo nga pasyente.
