Nangin positibo ang epekto sang mga travel restrictions nga ginapatuman ni Iloilo Gov. Arthur Defensor Jr. sa banwa sang Concepcion.
Sa interview sang Bombo Radyo kay Mayor Dr. Raul Banias, iya ginpahayag nga apat ka adlaw na nga wala sang may narekord nga kaso sang COVID-19 ang nasambit nga banwa.
Suno kay Banias, kun ang tawo wala anay nagatipon-tipon, pat-od nga mapanubo gid ang kaso sang COVID-19.
Sa bahin naman sang pagpacheck-up, may yara mismo sang ginhatag si Mayor Banias nga mga cellphone numbers sang mga doctor sa kada barangay sa Concepcion para sa teleconsultation.
Pahayag niya, gina-apply gid ang fundamentals sa epidemiologic management sa diin importante ang active case detection, pagpaidalom sa COVID-19 test sa diin indi lang mga asymptomatic ang ginatest kundi mangin ang second kag third contact, kag pag-isolate.
Nagapangabay man si Mayor Banias nga sundon ang mga polisa kag indi magguwa sa balay kun indi man lang kinahanglanon.
