ILOILO CITY–Ginpakita na sang Iloilo City Government ang conceptual design sa bag-o nga Iloilo Central Market.
Sa ginpatigayon nga presentation, gindayaw sang mga market vendor kag nagkalain-lain nga stakeholders ang conceptual design.
Kadungan sini, ginplastar man sang City Government ang kahimtangan sang mga merkado sa syudad.
Sa interview sang Bombo Radyo kay Mayor Jose Espinosa III, iya ginpahayag nga amat-amat lang ang pagpakaayo sang central market.
Ang tagsa ka phase suno kay Espinosa ang may yara sang gintalana nga timetable kun san-o ini matapos.
Halimbawa suno kay Espinosa amo nga ang phase 1 ang magalawig sang 300 calendar days, ang phase 2 ang magalawig sang 600 calendar days , ang pahse 4 ang magalawig sang 420 calendar days kag phase 5 ang magalawig sang 300 calendar days.
Ginpahayag ni Espinosa nga madugay na niya nga gintun-an ang pagpakaayo sang nasambit nga merkado.
Isa sa prayoridad sang alkalde amo nga mapabilin ang art decoration sang merkado paagi sa amat-amat nga renovation.
Gin-athag naman sang alkalde nga indi magpangutang ang syudad para lamang sa renovation sang merkado apang kun indi man malikawan, mahimo man nga magpangutang ang syudad.
Kun makaayo na ang Central market, ginpahayag sang alkalde nga mas magaganyat ini sang madamo nga kustomer.