Nagapati ang isa ka concerned citizen nga nakabaton sang sala nga notice of violation nga dapat hatagan sang second chance ang Office of the Building Official.
Ini matapos nga gin-ako sang talatapan nga clerical error ang natabo.
Sa interview sang Bombo Radyo kay Mr. Mark Anthony Elopre, ang nakabaton sang sala nga notice, iya ginpahayag nga nangayo na sang pasaylo sa iya ang mga opisyales sang Office of the Building Official.
Suno kay Mr. Elopre, nagpaathag ang nasambit nga opisina nga may yara sila sang template nga ginagamit kon sa diin, nagsala lang sa pagbutang sang location kag property.
Paathag niya, nagakabalaka lang siya para sa government officials bangud pirmado nila ang dokumento apisar sala ang nakabutang nga impormasyon.
Ginkumpirmar naman sang Office of the Building Official nga nagpadulong si Mr. Mark Anthony Elopre sa Iloilo City Hall agud mapaathag kag mahatagan sang accountability ang amo nga sirkumstansya.
Sa interview sang Bombo Radyo kay Atty. Manuel Magbanua, legal counsel sang Office of the Building Official, iya ginpahayag nga naglaum ang talatapan nga ma-settle bangud clerical error lamang ang natabo.
Suno kay Magbanua, bangud sa madamo man nga ginapreparar sang talatapan sang amo nga tion, rason nga na-oversize ang pag-edit sang form.
Gin-athag man sini nga duha ang mga dokumento ang naserbe kay Mr. Mark Anthony Elopre nga amo ang notice of violation kag covering letter.
