Makig-istorya si Iloilo City Representative Julienne “Jamjam” Baronda kay City Director PCol. Wilbert Parilla sang Iloilo City Police Office (ICPO) agud maathagan kun ano ang buot silingon nga indi alarming ang illegal nga droga sa syudad sang Iloilo.
Ini may kaangtanan sa nagluntad nga stabbing incident sa Zone 5 San Isidro, La Paz gab-i sang Marso 21,2026 nga nagresulta sa apat tanan ka indibidwal nga ginbawian sang kabuhi kun sa diin palpak nga transakyon sa illegal nga droga ang ginhalinan.
Suno kay Lone District Representative Julliene ”Jam-Jam” Baronda, iya ginpahayag nga tuman ka alarming ini sa syudad sang Iloilo.
Suno pa sa iya nga sa pagpakighinun-anon sini sa mga pumuluyo nagahambal ang mga ini nga tuman ka makalarma ang illegal nga droga sa syudad kag indi na safe ang seguridad sang pumuluyo.
Ginpahayag man sini nga kaangay nga wala sang kahadlok ang mga tawo nga nagagamit sang illegal nga droga kun sa diin may nagakatabo nga pagpinatyanay kag pagbinun-anay.
Gindugang man sini nga magapatigayon ini sang privilege speech kun indi pa ini ma-address nga problema.
