𝗜𝗟𝗢𝗜𝗟𝗢 𝗖𝗜𝗧𝗬 —Nagalaum si Iloilo City Lone District Representative Julienne “Jam-jam” Baronda nga madula na ang stigma nga “most shabulized city” kon mabatian ang Iloilo City.
Sa interview sang Bombo Radyo kay Baronda iya ginpahayag nga sa masunod nga semana posible magaguwa na ang lista nga ginpangayo sini sa Philippine National Police (PNP) kag Philippine Drug Enforcement Agency (PDEA) kon yara gidman ang pangalan ni former Iloilo City Mayor Jed Patrick Mabilog.
Suno kay Baronda, may yara pa sang tatlo ka mga nabilin nga hearings kon sa diin, nagalaum ini nga mabatian ang bahin sang anay alkalde sang syudad.
Nagapati man ini nga isa si Mabilog sa mga biktima sang human rights violation sa idalum sang pagpamuno sang anay administrasyon ni Former President Rodrigo Duterte.
Gin-athag man sang mamalidha nga kinahanglan nga mabatian sang publiko ang matuod-tuod nga bahin ni Mabilog bangud wala ini nahatagan sang platform sang si Duterte pa ang sa pwesto .
