ILOILO – Nag-file sang petition si Iloilo 4th District Congressman Ferjenel Biron sa Commission on Elections (Comelec) agud nga magpatigayon sang recount sang boto sa natabo nga midterm elections sang Mayo 13.
Nahibaluan nga napaslawan si Biron sa ikaduha nga kahigayunan sang naghandom ini nga magpadalagan bilang gobernador.
Una nga nalutos si Biron sang nagpadalagan ini sa gubernatorial elections sang tuig 2010 sa diin nakasumpong sini si outgoing Iloilo Gov. Arthur Defensor Sr. kag liwat naman ini nga napierde sang tinalikdan nga May 13, 2019 midterm elections sa diin nakasumpong sini ang anak sang gobernador ga si 3rd District Congressman kag subong governor elect Arthur ‘Toto’ Defensor Jr.
Nakakuha sang 479,081 votes si Cong. Defensor samtang 391,403 votes naman ang nakuha ni Biron sang Mayo 13 nga eleksyon.
