ILOILO CITY- Nadugangan pa ang mga opisyal sa Probinsya sang Iloilo nga nagpahayag sang intensyon nga magapareelect sa 2022 election.
Sa interview sang Bombo Radyo kay Iloilo 2nd District Rep. Michael Gorriceta, iya ginpahayag nga bilang first termer sa kamara, ang pagpareelect amo ang iya direksyon.
Apang suno kay Gorriceta, ini ang wala pa man masugilanunan kaupod sa iya mga kaalyado kag local leaders.
Ginpahayag sang kongresista nga posible sa first quarter sang 2021, maistoryahan na nila ang ila mga plano sa 2022 election.
Matandaan nga una nga nagkumpirma sa plano nga reelection si Iloilo Governor Arthur Defensor Jr. matapos ginpangunahan na ini sang iya amay nga si anay Iloilo Governor Arthur Defensor Sr. nga ginpat-ud man nga magapareelect ang isa niya ka anak nga si Iloilo 3rd District Representative Lorenz Defensor.
