Nagsumpa sanday Cong. Julienne Baronda, incoming city Vice Mayor Lady Julie Grace Baronda, kag incoming city Councilor Sheen Marie Mabilog kay Senator JV Ejercito sa iya nga opisina sa Senado kahapon.
Si Ejercito ang anay boss ni Cong. Baronda sang nag-obra siya bilang staff sang senador antes siya nangin Kongresista.
Sa statement ni Cong. Baronda ginpasalamatan niya ang mga Ilonggo nga nagsalig sa iya nga ulihi nga termino bilang Lone District Representative sang siyudad.
Pagkatapos sang ila nga pagsumpa nag-attend ang tatlo ka opisyal sa ika-55 nga Senate Plenary kahapon sa pag-convene sang mga Senador para sa impeachment trial ni Vice President Sara Duterte.
