Nagpasalamat si Iloilo City Lone District Representative Julienne “Jam-jam” Baronda kay Mayor Jerry Treñas sa paghilway sini sa syudad sa politika kaangot sa palaabuton nga Dinagyang Festival 2025.
Sa interview sang Bombo Radyo kay Rep. Baronda, iya ginpahayag nga importante ang pagtuo kag debosyon sa pagselebrar sang Dinagyang Festival.
Nagapati man ini nga labing-importante ang ‘unity’ sa selebrasyon.
May imbitasyon man ukon wala, magapakigbahin sa gihapon ang natungdan sa sadsad sa Calle Real, sa mga tribu, kag pumuluyo nga nangin tradisyon naman sini halin pa sang lamharon pa lang ini.
Gin-athag man sini nga sa subong, wala pa siya sang may nabaton nga invitation letter halin sa city government.
Kon balikan, nagpaguwa sang Executive Order 167 si Mayor Jerry Treñas nga nagadumili sa political colors nga posible magamit sa Dinagyang Festival.
