𝗜𝗟𝗢𝗜𝗟𝗢 𝗖𝗜𝗧𝗬 — Nagapati si Iloilo City Lone District Representative Julienne “Jam-jam” Baronda nga madula ang masami nga indi pag-intindihanay sa politika kun matunga ang Iloilo City sa duha ka Distrito.
Sa interview sang Bombo Radyo kay Baronda, iya ginpahayag nga ang tikang ang madugay na nga ginaduso sa Kamara bangud kwalipikado naman ang syudad nga mangin duha ka distrito.
Suno kay Baronda, napasar na ang tikang sa 19th congress kag nakadependi na sa senado kun ini bala ang aprubahan agud mapirmahan ni President Ferdinand “Bong-bong” Marcos Jr.
Ginpahayag man sini nga ang mayorya sang mga senador ang suportado ang ginaduso nga tikang, apang sa subong, indi pa matumod sini matumod kun san-o ini matigayon nga mapasar.
Dugang pa ni Baronda, kun matigayon nga matunga ang syudad, magabukas man ini sang 20 ka bag-o ka nga mga posisyon agud magadumala sang distrito.
