ILOILO – Nagalaum si Iloilo 1st District Congresswoman Janette Garin nga indi lang lunsay wakal ang tanan nga ginpatpat ni Presidente Rodrigo Duterte sa iya ika-apat nga State of the Nation Address.
Sa interview sang Bombo Radyo kay Cong. Garin, iya ginpahayag nga malipayon siya sa nangin padulungan sang SONA ni Duterte ilabi na sa paghatag igatalupangod sa PhilHealth tuhoy sa korapsyon nga nagakabo sa ahensya.
Suno kay Garin, base sa report sang Commission on Audit, madamo sang pondo ang nagkaladula.
Hatagan naman ni Garin sang score nga 9 ang SONA ni Duterte.
Samtang ginakabig naman sang mamalidha nga lunsay lango-lango lang ang nangin pahayag sang Presidente may kaangtanan sa paglinog sa sulod sang session Hall kadungan sang iya SONA bangud sa madamo ang korap nga opisyales.
