๐๐จ๐๐ ๐๐๐, ๐๐๐ข๐๐๐ข โ Ginkumpirma ni Iloilo First District Representative Janette Garin nga dako ang posibilidad nga may magapadalagan halin sa ila nga pamilya bilang bise-gobernador sang Iloilo para sa 2025 midterm elections.
Sa interview sang Bombo Radyo kay Garin, iya ginpahayag nga nagpadulong ini kay Iloilo Governor Arthur Defensor Jr. agud magpakig-istorya,sa diin, ginaduso nila nga magpadalagan bilang bise-gobernador si Former Mayor Carina Flores.
Suno kay Garin, una nga nagpahayag si Flores nga tuyo man sini nga magpadalagan, apang makaligad ang lamang ang pila ka bulan, ginbawi sini ang iya nga desisyon.
Ginpahayag man ni Garin nga madamo pa sang kinahanglan nga hitsuon ilabi na ang issue nga ginapangatubang sang banwa sang San Joaquin kaangay na lang sang San Joaquin Mother and Child Hospital.
Bukas naman ang pamilya sang Garin sa mga posibilidad nga magahalin sa ila ang masunod nga mangin tandem ni Governor Defensor.
