𝗜𝗟𝗢𝗜𝗟𝗢 — Nagapati si Iloilo 1st District Congresswoman Janette Garin nga dapat pasakaan sang kaso si Punong Barangay Christopher Selibio sang Purok 5, San Joaquin sa diin nagatindog ang San Joaquin Hospital.
Ini nga pahayag sang congresswoman ang kasunod sang committee hearing nga natabo sa Sangguniang Panlalawigan may kaangtanan sa duta nga ginabawi sang pamilya Getuya nga amo ang ginatindogan sang nasambit nga ospital.
Sa committee hearing, ginsiling ni Kapitan Selibio nga siya ang nag issue sang certificate of abandonment as requested ni Ms. Vilma Getuya nga amo ang donee.
Apang suno sa Building Official sang Local Government Unit, wala sang kinamatarong ang punong barangay nga mag-issue sang certificate of abandonment bangud ang Building Official lamang ang pwede makadeklara kun abandonado na ang pasilidad.
Ginpahayag man sang Western Visayas Medical Center nga indi abandonado ang ospital bangud sa pagkamatuod may pondo na nga napain para sa improvement sang building kag services.
Sa interview snag bombo radyo kay Garin, iya ginpahayag nga magluwas kay Punong Barangay Selibio, posible man nga mapasakaan kaso ang police personnel sang San Joaquin Muniicpal Police Station bangud sa pagpati sini nga wala sang may nangin tikang nga gin ubra si Pcapt Felix Perez agud nga respondehan ang hingyo ni San Joaquin Mayor Ninfa Garin.
Suno kay Garin, tipunon pa ang tanan nga kinahanglanon para makadesisyon kun mapasakaaan sang kaso ang pnp.
Nagpasalig naman si congressman sa publiko nga indi ini mag untat sa pagpakigbato sa kun ano ang iya sang mga pumuluyo.
