Nagapati si Iloilo 1st District Congresswoman Janette Garin nga masarangan ni Taguig Pateros Rep. Alan Peter Cayetano nga mangin House Speaker sa sulod sang 15 ka bulan.
Sa interview sang Bombo Radyo kay Cong. Garin, iya ginpahayag nga may maayo nga relasyon sa Senado si Cayetano ilabi na kay Senate President Vicente Sotto III.
Bangud sini suno kay Garin, mangin mahapos na lang para sa local bill nga mapasar.
Ginalantaw man sang mamalidha nga mangin progresibo ang pagpamuno ni Cayetano sa Kamara kag padayunon naman ini ni Marinduque Rep. Lord Allan Velasco sa sulod sang 21 ka bulan.
Nahibaluan nga gindeklara ni Presidente Rodrigo Duterte nga ang iya mangin masunod nga speaker amo si Cayetano apang term-sharing ang matabo.
