Nagpanugyan si Iloilo City Lone District Representative Julienne “Jam-jam” Baronda sa mga Ilonggo nga wala nadala sa “Tulong Panghanapbuhay sa Ating Disadvantaged/Displaced Workers” (TUPAD) Program nga indi magtanom sang dumot.
Sa interview sang Bombo Radyo kay Representative Julienne “Jam-jam” Baronda, iya ginpahayag nga ang mga Ilonggo ang mahigugmaon, mabinuligon, maintindihon, kag indi madumot klase nga tawo.
Ini kasunod man sang 1,700 ka mga benepisyaryo nga dugang kontani sa 7,500 ka mga naka-avail sang TUPAD Program sa Iloilo City.
Suno kay Baronda, wala naka-avail ang nasambit nga numero sang mga indibidwal bangud wala napirmahan sang pila ka mga punong barangay sa syudad sang Iloilo.
Gin-engganyo man sini ang mga pumuluyo nga indi magtanom sang kaugot sa mga opisyales bangud bilang isa ka mamalidha, naintindihan gid sini ang sitwasyon.
Nahibaluan nga subong nga adlaw, nagpatigayon sang orientation ang Department of Labor and Employment (DOLE) sa Iloilo Sports Complex, La Paz, sa 1,300 ka mga TUPAD beneficiaries.
