𝗜𝗟𝗢𝗜𝗟𝗢 𝗖𝗜𝗧𝗬 —Gin-ako ni Cavite 2nd District Representative Lani Mercado nga indi anay ini makahatag sang iya suporta sa sin-o man nga kandidato nga magapapili sa Iloilo City para sa 2025 elections.
Sa interview sang Bombo Radyo kay Mercado, iya ginpahayag nga sa subong, ang iya suporta ang yara sa tanan nga mga Ilonggo paagi sa bulig nga ila ginahatag sang iya nga bana nga si Senator Bong Revilla Jr.
Suno kay Mercado, nahibaluan man niya nga may tagsa ka away sa patag sang politika ang mga kandidato sang syudad, kon sa diin, wala niya ini ginalantaw agud pilion ang mga hatagan sang bulig.
Gin-athag man ni Mercado nga nangin soud sila ga mag-abyanay sila ni Iloilo City Mayor Jerry Treñas sugod sang nagsulod ini sa politika tubtob subong.
Ginpahayag man sang mamalidha nga ang ila nga friendship ni Treñas ang “beyond political parties”.
