ILOILO CITY- Nagpangibabaw si Iloilo 3rd District Representative Lorenz Defensor sa listahan sang top performing representatives sa Western Visayas.
Base sa “Boses ng Bayan” survey sang RP- Mission and Development Foundation Inc. nga ginpatigayon sang Nobyembre 27 tubtob Disyembre 2, 2022, nakakuha si Defensor sang 92% nga job performance rating.
Nagpatas naman sanday Iloilo 5th District Representative Raul Tupas, Antique Lone District Representative Antonio Legarda, Jr., kag Negros Occidental 3rd District Representative Jose Francisco Benitez sa ikaduha nga pwesto nga may 90% rating.
Nagpangatlo si Aklan 2nd District Representative Teodorico Haresco nga may 89%; nagpang-apat si Iloilo 1st District Representative Janette Garin nga may 87%.
Nagasunod naman si Negros Occidental 4th District Representative Juliet Marie Ferrer nga may 86%.
Nalakip man sa Top 10 sanday Iloilo 2nd District Representative Michael Gorriceta, Negros Occidental 2nd District Representative Alfredo Marañon, Negros Occidental 6th District Representative Mercedes Alvarez, Bacolod City Lone District Representative Greg Gasataya, kag Guimaras Lone District Representative Ma. Lucille Nava.
