ILOILO CITY – Nangin emosyonal si Iloilo City Lone District Cong. Jerry Treñas matapos nga nagpanguna sa pagka-alkalde sa syudad sang Iloilo.
Sa interview sang Bombo Radyo kay Treñas, iya ginpahayag nga daku nga butang para sa iya ang kadalag-an sa pulitika.
Ini bangud nga suno kay Treñas, mismo ang mga pumuluyo na ang nagdesisyon nga luyag nila sang lider nga makadala sang kauswagan sa syudad sang Iloilo.
Tion na suno kay Treñas agud nga matapos ang pagbakho sang mga job hire kag mga empleyado sang Iloilo City Hall nga nangin biktima sang pagpang-ipit kag pagpamahog.
Wala man direkta nga ginhingadlan sang natungdan kun sin-o ang iya ginapabati-batian apang maathag nga ang iya ginatumod amo ang bilas nga si Iloilo City Mayor Jose Espinosa III.
Kadungan sini, ginpahayag man sang mamalidha nga ang May 13 midterm elections ang pinakadinamak nga pulitika nga iya nasaksihan matapos ang mga ‘below the belt’ nga akusayson batok sa iya.
Yari pamati-an ang reaksyon ni Treñas tuhoy sa iya kadalag-an sa pulitika:
Sang ginpamangkot naman si Treñas kun bala bukas siya sa ‘reconcilation’ ukon pagpakig-abyan sa bilas nga si Mayor Espinosa, yari ang sabat sang mamalidha:
Samtang, sang ginpanginbulahan naman sang Bombo Radyo si Treñas, yari ang iya nangin sabat:
