ILOILO CITY – Ginakabig ni Iloilo City Lone District Cong. Jerry Treñas nga ‘illegal’ ang pagdeklarar sang State on Calamity sa syudad sang Iloilo.
Ini matapos nga walo gid lamang ka mga opisyal ang natambong sa ginpatigayon nga special session.
Sa interview sang Bombo Radyo kay Treñas, iya ginpahayag nga 15 ka bilog ang elected official sang syudad sa diin kun kuhaon ang quorum, dapat nga siyam ka mga opisyal ang dapat nga magtambong sa session kag indi walo.
Sa isyu pa lang sang quorum, ginpahayag ni Treñas nga sala na ang pagdeklarar sang State of Calamity sa syudad.
Magluwas diri, ginpahayag man sang mamalidha nga bag-o ideklarar ang State of
Calamity sa isa ka lugar, nagakadapat nga sundon ang criteria santo sa nasaad sa layi.
Sa bahin sang syudad sang Iloilo, ginpahayag ni Treñas nga wala nalab-ot sang syudad ang bisan isa sa lima ka criteria agud nga ideklarar ang State of Calamity.
Bangud sini, iya nga padal-an sang sulat ang City Treasurer, City Budget Officer kag City Accountant agud nga ipahibalo ang sala nga aktu sang walo ka opisyal sang syudad.
Bangud sini, lauman na suno sa natungdan nga makasuhan ang walo ka mga opisyal nga nangin kabahin sang pagdeklarar sang State of Calamity.
