ILOILO CITY – Nagnubo ang congestion rate sa mga presuhan sa Western Visayas.
Sa interview sang Bombo Radyo kay Jail Superintendent Gilbert Peremne, Assistant Regional Director For Administration sang Bureau of Jail Management and Penology 6, iya ginpahayag nga sang 2018, naglab-ot sa 382% ang congestion rate sa rehiyon.
Sang Agosto 2019 suno kay Peremne, naglab-ot na gid lamang sa 95% ang congestion rate sa mga presuhan.
Lakip sa mga ginalantaw nga rason sa pagnubo sang numero sang mga preso suno kay Peremne amo ang plea bargaining kag ang kontrobersiyal nga Good Conduct Time Allowance.
Magluwas diri, isa man sa mga rason suno kay Peremne amo ang pagpatukod sang extention jail facility sa rehiyon.
