ILOILO CITY– Gin-athag ni Iloilo City Lone District Rep. Jam Jam Baronda nga wala siya naga-intra sa trabaho sang Regional Inter-Agency Task Force tuhoy sa repatriation sang Overseas Filipino Workers.
Sa interview sang Bombo Radyo kay Baronda, iya ginapanindugan nga wala siya sang sala kag matinlo ang iya konsensya, nagatrabaho kag nagabulig sa mga Ilonggo santo sa kun ano ang iya masarangan.
Suno kay Baronda, wala siya nakahibalo kun diin naghalin ang istorya nga nagapahilabot siya sa repatriation apang ang tanan ang naplanuhan na.
Ang iya lang nga ginahimo suno sa mamalidha amo ang pagbulig sa mga nagakinahanglan ilabi na sa Overseas Filipino Workers agud nga makapaidalom sa Polymerase Chain Reaction test.
Gina-athag man sang natungdan nga may yara siya sang koordinasyon sa National kag Regional Inter-Agency Task Force apang bangud man sa pagbag-o sang pila ka requirement kag protocol, wala nadayon ang repatriation sang una nga batch sang OFW kag sa baylo, ginhitso na lang niya ang pagpatigayun sang PCR testing.
Ginpahayag sang natungdan nga wala siya naga-intra sa trabaho sang task force kag indi na niya mapunggan ang panan-awan sang iban batok sa iya.
