ILOILO CITY – Gindala na pabalik sa Manila ang nadakpan nga isa sa mga involve sa 6.4 billion pesos nga shabu shipment nga nakalusot sa Bureau of Customs.
Ini matapos nga nadakpan sa banwa sang San Dionisio, Iloilo si Eirene Mae Tatad, apang ginpahayag sang National Bureau of Investigation nga nag-surrender ini.
Si Tatad ang nagapanag-iya sang EMT Trading nga amo ang consignee sa mga containers nga naga-unod sang cylinders sang shabu apang gindeklarar nga general merchandise.
Sa interview sang Bombo Radyo Iloilo, ginpahayag ni NBI Region 6 director Atty. Max Salvador nga matapos nakuha sa San Dionisio si Tatad, gindiretso ini sa Iloilo International Airport.
Suno kay Salvador, mismo ang operatiba sang NBI national headquarters ang nagpadulong sa Iloilo agud kuhaon si Tatad.
Nahibaluan nga gindagdagan na sang arrest warrant si Tatad kaupod sang iban pa nga may kaangtanan sa shabu shipment nga nakalusot sa Customs.