ILOILO – Mahimo nga subong ukon sa mga masunod nga adlaw pa makapaguwa sang consolidated report ang Philippine Drug Enforcement Agency may kaangtanan sa numero sang mga drug personality sa Western Visayas.
Sa interview sang Bombo Radyo kay Philippine Drug Enforcement Agency 6 Officer-in-Charge Alex Tablate, iya ginpahayag nga magapatigayon pa sang joint intel workshop subong nga semana.
Suno kay Tablate, magapatigayon man sang consolidation ang Philippine Drug Enforcement Agency kag Philippine National Police agud nga mahibaluan kun bala nagasanto ang ila data.
Ginpasalig man ni Tablate nga ang mga High Value Target nga ‘cannot be located’ ang indi pag-untatan tubtub nga indi mahibaluan ukon makita kun sa diin sila nagapanago.
