ILOILO CITY– Indi pa mahambal nga iligal ukon legal ang natabo nga special meeting sang katapo sang Board of Directors sang Vallacar Transit Inc. (VTI)
Sa interview sang Bombo Radyo Atty. Noel Palomado, iya ginpahayag nga indi ma ini madetermina tubtobb nga indi makita kun ano ang kaundan sang Constitution and By Laws sang VTI.
Suno kay Palomado, ang pagpili sang Presidente sang isa ka kumpaniya ukon korporasyon ang nakasanto sa Constitution and by laws.
Nalakip man diri sa kun paano magpatigayun sang meeting, sin-o ang makapatigayun sang meeting ukon sin-o ang pwede makapatawag sang special board meeting.
Kun may yara naman sang iregularidad mahimo ma challenge sang isa ka partido ang validity sang special meeting kag kun intra corporate disputes ini mahimo magpasaka sang proper complaint sa Regional Trial Court (RTC) sa lugar sa diin nakabase ang kumpanya.
Nahibaluan nga santo sa Corporate Code of the Philippines, ang isa ka korporasyon ang ginabug-usa sang shares of stocks nga ginapanag-iyahan sang mga shareholders.
Magapili man sila sang Board of Directors sang Chairman of the Board santo sa Constitution and by Laws.
