Constitutional law expert, nagsuhestyon sa gobyerno nga pokusan anay ang problema sa krisis sa gatong antes ang pag-una sa impeachment complaint batok kay VP Sara Duterte

Nagsuhestyon ang isa ka constitutional law expert sa gobyerno, nga nagakadapat anay nga pokusan sang mga mamalidha ang problema sa krisis sa gatong kag indi ang pag-una sang mga indi “urgent” nga butang pareho sang impeachment complaint batok kay Vice President Sara Duterte.

Nahibaluan nga subong man nga adlaw ang una nga hearing sang impeachment complaint batok kay VP Duterte sa kamara.

Sa interview sang Bombo Radyo kay Atty. Michael Henry Yusingco, iya ginpahayag nga madamo sa karun sang problema nga ginapangatubang ang pungsod, ilabi na ang problema sa gatong nga nagakadapat nga unahon sang mga opisyales sang gobyerno, ilabi na nga ang Pilipinas ang dependent sa importation sang amo nga produkto.

Dugang pa ni Atty. Yusingco nga dapat anay pokusan ang legislation, pareho sang pag-amyenda sang oil deregulation law nga dako gid nga bulig sa isyu sang nagataas nga presyo sang langis sa subong nga tion.

Paathag ni Yusingco nga ang nasambit nga mga isyu ang dako nga makaapekto sa kadam-an kag sa recovery sang pungsod sa kabilugan kag kinaganhlan gid hatagan sang maid-id nga pagtalakay kag solusyon.