LAMBUNAO, ILOILO – Nagasinggitan ang hustisya ang pamilya sang lalaki nga gin-ubahan kag ginbuno-patay sa Barangay Poblacion Ilawod, Lambunao, Iloilo.
Ang biktima amo si JP Lego, 30, soltero, construction worker kag residente sang Barangay Bagongbong, Lambunao, Iloilo.
Ini ang may buno sa tuo nga kilid kag tiyan.
Sa interview sang Bombo Radyo kay Nestor Lego, amay sang biktima, iya ginpahayag nga nakibot na lang ini sang nakabaton sang impormasyon nga nasapwan nga nga patay ang iya anak.
Suno kay Lego, nagtrabaho pa sa construction site ang iya anak kahapon sang hapon.
Sa iya nabaton nga impormasyon, nag-inom pa ang biktima kaupod ang iya abyan.
Wala naman ini sang ideya kun sin-o ang nagpatay sa iya anak bangud wala man ini sang nabaton nga mga pamahog.
Nagalalain man ini bangud kuntani wala lang gin-ubahan ang iya anak sang mga nagpatay sa iya.
Ginatugyan naman sini sa pulis ang pagsolbar sa krimen.
