Yara na sa maayo nga kahimtangan ang isa ka panday nga nahulog sa gina-construct nga Leganes Commercial Complex matapos nga nakasalapay sang live wire.
Ini amo si Bryan Decer, 26, residente sang Maasin, Iloilo.
Sa interview sang Bombo Radyo kay Patrolman Jomar Nerios, imbestigador sang Leganes Municipal Police Station, iya ginpahayag nga minor injuries lang ang naangkon sang biktima kag conscious man ini sang gindala sa Western Visayas Medical Center sa Mandurriao, Iloilo City.
Natabo ang insidente kahapon sang udto kun sa diin ginapahayag nga nagapangbaklas ini sang atop sang nasalapay ang live wire gani nga nahulog.
Ginabanta yara sa 10-20 ka tapak ang kataason sang nahulugan sini halin sa ikaduha nga panalgan sang merkado.
