ILOILO CITY – Magadihon pa sang mekanismo ang Consultative Committee nga gintukod ni Presidente Rodrigo Duterte, kun paano ma-review ang 1987 Constitution.
Sa interview sang Bombo Radyo Iloilo, ginpahayag ni Fr. Ranhilio Aquino, dean sang San Beda College of Law kag isa sa mga miyembro sang komite, wala pa nila mabaton ang formal appointment.
Apang gin-abisuhan na siya ni Executive Secretary Salvador Medialdea nga miyembro siya sang Consultative Committee.
Suno kay Fr. Aquino, magasapol pa sila upod ang ila chairman nga si anay Chief Justice Reynato Puno sa mangin papel sini sa committee.
Gin-athag naman ni Aquino nga wala sang sala sa 1987 Constitution apang kun luyag sang federal form of government, kinahanglan nga amyendahan ang Konstitusyon.
Ginpanindugan naman ni Aquino nga ang pag-amyenda sa Konstitusyon ang dapat nga separado ang pagboto sang Kamara kag Senado bangud ini ang nasaad sa bicameral nga Kongreso.