ILOILO CITY – Padayon ang contact tracing kasunod sang na record nga dugang nga 27 ka COVID-19 cases sa Bo. Obrero, Lapuz, Iloilo City.
Sa interview sang Bombo Radyo kay Punong Barangay Ricardo Diño Jr., iya ginpahayag nga ang 27 ka COVID-19 positive ang resulta sang contact tracing nga ginpatigayon matapos nga may isa ka residente nga una nga nagpositibo sa virus.
Suno kay Diño, ginabanta nga 40 ang ginkuhaan sang swab sample kag 27 sa ila ang nagpositibo sa COVID-19.
Ginpahayag ni Diño nga magluwas sa ila lugar, may yara man sang natumod nga close contacts gikan sa mga kaiping nga mga barangay.
Santo sa impormasyon, ginapahayag nga maghimata ang kalabanan sa mga nagpositibo sa virus.
