Ginsalakay sang isa ka container van truck ang tatlo ka mga poste sa atubang sang Camp Martin Delgado sa Fort San Pedro, Iloilo City.
Sa interview sang Bombo Radyo kay Police Executive Master Sgt. Rene Aguinaga, iya ginpahayag nga naghalin sa Parola, Iloilo City Proper kag padulong sa General Hughes, Iloilo City Proper ang truck sang nasalakay sini ang mga wire sang linya sang telepono nga naangot sa tatlo ka poste.
Suno kay Aguinaga, baskog ang nangin impact sang pagsalakay sang truck rason nga naigo pa sang wire ang isa ka babaye nga natabuan yara sa kilid sang dalan sang matabo ang insidente.
Ginpahayag ni Aguinaga nga gilayon man nga gindala sa ospital ang babaye nga nakaangkon sang gamay nga pilas sa tuhod.
Ang settlement naman suno sa natungdan ang depende na sa tunga sang kompaniya sang truck kag telecommunication company.
