Nagpreparar ang gobyerno sang contingency plan agud ma-repatriate ang mga Pinoy pananglitan magsaka pa ang tension sa tunga sang Taiwan kag China.
Suno kay Department of Migrant Workers (DMW) Secretary Hans Leo Cacdac,may yara sang regular communication ang ahensya kay Manila Economic and Cultural Office (MECO) head Silvestre Bello III kaangot sa status sang Filipino communities sa amo nga isla.
Nag-igrab liwat ang tension sa Taiwan sang nagpatigayon ang China sang military drills kun sa diin ginpalibutan sang Navy ships kag aircraft ang amo nga teritoryo.
Ginabanta nga may 153,000 ka mga Filipinos sa Taiwan kun sa diin 90-95 porsyento ang overseas Filipino workers (OFWs).
Wala na gindetalye pa sang newly reappointed DMW ad interim chief ang ila nga repatriation plan agud nga indi man mabutang sa risgo ang safety kag seguridad sang mga Filipinos sa amo nga teritoryo.
