Gin-ambush ang convoy ni Bangsamoro Autonomous Region in Muslim Mindanao (BARMM) Chief Minister Abdulraof Macacua sa Datu Odin Sinsuat, Maguindanao del Norte, kahapon nga adlaw, Agosto 15.
Base sa mga impormasyon, natabo ang insidente samtang nagabyahe padulong sa Cotabato City ang opisyal matapos ini nga nagpanumpa bilang myembro sang BFP ukon Bangsamoro Federal Party.
Wala man sang nasamaran sa insidente, apang na-igo gid sang bala ang Land Cruiser kag Fortuner nga kabahin sang convoy sang Chief Minister.
Suno kay COMELEC Chairman George Erwin Garcia, dapat gilayon ini nga imbestigaran sang Philippine National Police kag Armed Forces of the Philippines agud manabat ang suspek sa pagpang-ambush.
Ginpakigbahin man niya nga election related man ukon indi ang natabo, importante nga mabalik kag magapabilin ang kalinong sa lugar.
Padayun man subong ang hugot nga security measures sa Maguindanao del Norte kun sa diin nagapadayun ang imbestigasyon sang Scene of the Crime Operatives (SOCO) sa nasambit nga insidente.
 Chief Minister Abdulraof Macacua sa Datu Odin Sinsuat, Maguindanao del Norte, kahapon nga adlaw, Agosto 15.){kind=link}