Nagakalipay ang local nga mga mangunguma sa madinalag-on nga ani sang produkto nga mais nga bunga sang suporta sang Department of Agriculture (DA).
Suno kay Maayon, Capiz Mayor Raymond Malapajo, importante ang pagbuligay sang mga kooperatiba kag ang wala untat nga suporta sang gobyerno sa mga mangunguma.
Ginpahayag man sini nga pinaagi sa nasambit nga inisyatibo sang ahensya, mas mapasanyog ang produkto nga mais.
Nagpatigayon naman ang DA kaupod ang local government units kag private sector sang demonstration sang scientific-based farming technologies.
Nahatagan naman sang kahigayunan ang mga mangunguma nga mag-obserba sa epekto sang nagkalain-lain nga biofertilizers kag production performance sang nagkalain-lain nga hybrid corn varieties.
