ILOILO CITY – Balantayan subong nga adlaw ang coronation night sang Miss Universe Philippines 2022 nga hiwaton sa Mall of Asia Arena.
Ang pageant ang ginapasakupan sang 32 ka mga matahom nga kandidata.
Mangin star-studied ang amo nga pageant bangud tatlo ka Miss Universe queens ang maga-host nga sanday Miss Universe 2015 Pia Alonzo Wurthzbach, Miss Universe 2016 Iris Mettenare kag Miss Universe 2017 Demi Leigh-Tebow.
Mangin special guest naman si reigning Miss Universe Harnaaz Sandhu nga yari na sa Pilipinas sa sulod sang halos isa ka semana.
Balantayan ang pambato sang Iloilo City nga si Dorothy Gemilian kag ang pambato sang Iloilo Province nga si Vanessa Caro.
Ang latest nga updates sang Miss Universe Philippines 2022 ang bantayan lang diri sa Bombo Radyo Iloilo.
