Ginkumpirmar ni Executive Secretary Lucas Bersamin nga ginpili ni President Ferdinand Marcos Jr. ang corporate law kag litigation specialist nga si Francisco Lim bilang bag-o nga Chairperson sang Securities and Exchange Commission (SEC).
Si Lim magatal-os kay Emilio Aquino nga ang termino matapos sa Hunyo 5, 2025.
Suno kay Bersamin, may madamo nga experience si Lim sa corporate kag securities law, kun sa diin nagserbe siya bilang presidente kag chief executive officer sang Philippine Stock Exchange antes sini nga bag-o nga katungdanan.
Nagserbe man siya bilang trustee kag Presidente sang Chairholders Association of the Philippines.
Ginpakigbahin ni Bersamin nga madamo ang nangin kontribusyon ni Lim sa proteksyon sang mga investor kag mapasanyog sang transparency sa merkado pinaagi sang iya professional work kag academic involvement.
Ang iya pagpamuno ang ginalauman nga magapabakod sang pagsalig sang mga investors kag mapalapnag sang transparency, innovation, kag inclusive growth sa financial sector sang Pilipinas.
Yari pamatian naton pagkumpirmar ni Executive Secretary Lucas Bersamin sa bag-o nga gin-appoint ni President Ferdinand Marcos Jr., bilang Chairperson sang Securities and Exchange Commission
