Ginakondenar ni Cotabato City Mayor Bruce Matabalao ang natabo nga pagpang-ambush sa convoy ni BARMM Chief Minister Abdulraof Macacua sa Datu Odin Sinsuat, Maguindanao del Norte, kahapon nga adlaw.
Base sa iya statement pinaagi sa iya social media page, nanawagan ini sang madasig kag patas nga imbestigasyon agud manabat gilayon ang suspek sa natabo nga pagpang-atake.
Nagpahanumdom man si Matabalao sa publiko nga magpabilin nga kalmado kasunod sang insidente kag likawan man ang pagpalapta sang indi beripikado nga impormasyon samtang padayun pa ang imbestigasyon sang mga awtoridad.
Dugang pa sang alcalde, tuman ka importante para sa ila nga mabalik ang kalinong kag katawhay sa lugar nga madugay man nga ginpangabudlayan sang madamo nga mga henerasyon sa Bangsamoro.
