Ginsuspende sang Council of Europe ang tanan nga representante sang Russia sa pagpartisipar sa pan-European rights body kasunod sang pag-atake sang Moscow sa Ukraine.
Nahisugtan sang 47 ka member states ang pagsuspende sa ”rights of representation” sang Russian Federation sa Council of Europe, bangud ginlapas sang Russia ang Article 8 sang ila statute.
Maapektuhan man ang ‘rights of representation’ sang Russia sa “Committee of Ministers and in the Parliamentary Assembly of the Council of Europe (PACE).”
Nasaad sa Article 8 sa statute sang Council of Europe nga ginapahanugutan ang suspensyon sang representation rights sang isa ka myembero kalakip na ang exclusion ukon pagkakas sini sa Council.
Nahibaluan nga myembro ang Russia sang Council of Europe humalin sang 1996.
